Mehngai teri maar se, lut gaye hum bazar me.

Mehngai ki maar se mera hua  kuch aisa bura haal,

Pocket me paisa nahi, Kitchen me nahi chawal daal,

Sukh ke tinke jaisi ho gayi Body, pichak gaye gaal,

Chehre ki rangat ud gayi, hawa ho gaye sar ke baal.

Desh me badh gayi mehngai netaon ke bhrastachar se,

Kuch na bigda inka, bechare Ramdev daude salwar me,

Mahine bhar ki kamayi se bhi kuch la na paye bajaar se,

Pet ki trishna mita rahe hain hum sukhi roti aur aachar se.

50 Rs kilo ho gaye Aaloo aur Asman choo rahe hain Kande,

Yehi haal rahe agar toh jald hi khane ke ho jayenge wande,

Chahe koi kuch bhi bole hum toh kehte baat khari khari hain,

Cylinder hai khali kitchen me, par pet me khoob Gas bhari hai.

Abhi kal hi ki baat hai, hum gaye the bazaar lene ko tarkari,

Dekha ek bhai ka thaila bhara hua, lag raha tha bada bhari,

Curiosity badhi toh puch hi daala, Lottery lagi hai kya tohari?,

Woh muskuraye fir batlaye:Na, Hum toh naukar hain sarkari.

Fati pant hamari silate silate  ab toh pareshan ho gaya hai darji bhi,

Naukari dhoondte dhoondte ab khatam ho chuki hai sari Energy bhi,

Garibi me aata gila tab hua jab Bank ne Reject kardi Loan ki arjee bhi,

Poschim Bongo, WTH ye kya naam hua, yaar ye Mamta Banerjee bhi.

Aajkal hum toh bas yehi geet gungunate hain aur apne dil ka haal sunate hain....

"Jaa re jaa o mehngai....Na kar ye maara maari,

 ban ke dayan tu aayi...Lut li meri khushiyan sari,

 Jaa ke tu fir na aa re....Itna hunko na sata re,

 Jaane ka legi kya re...Yehi ek baat tu bata de.

 Jaa re jaa ..........♪ ♫ ♩ ♬ ♭ ♮ ♯

On a serious note:

Chutki bhi gussa hai mujhse...uske School ki Fee jo nahi chukayi,

Biwi bhi ruswa hai mujhse..... uski sooni jo hai aaj fir se kalaayi,

Kaise samjhaun in sabko main ki... Kaisi dayan hai ye mehngai,

Aaj bhi khali hath lauta main, nahi la paya bimar Maa ki dawayi.!!